בִּשְׁנַת שְׁמוֹנֶה עֶשְׂרֵה לַמֶּלֶךְ יָרָבְעָם וַיִּמְלֹךְ אֲבִיָּה עַל־יְהוּדָה

בִּשְׁנַת שְׁמוֹנֶה עֶשְׂרֵה לַמֶּלֶךְ יָרָבְעָם בישראל וַיִּמְלֹךְ אֲבִיָּה עַל־יְהוּדָה.

שָׁלוֹשׁ שָׁנִים מָלַךְ בִּירוּשָׁלִַם וְשֵׁם אִמּוֹ מִיכָיָהוּ בַת־אוּרִיאֵל מִן גִּבְעָה וּמִלְחָמָה הָיְתָה בֵּין אֲבִיָּה וּבֵין יָרָבְעָם

שָׁלוֹשׁ שָׁנִים מָלַךְ בִּירוּשָׁלִַם, וְשֵׁם אִמּוֹ מִיכָיָהוּ בַת־אוּרִיאֵל. לעיל ובספר מלכים נאמר שאמו הייתה מעכה בת אבשלום. כנראה מִיכָיָהוּ היה כינויה של מעכה, אוריאל היה אביה הישיר, ואילו אבשלום היה כפי הנראה זקנהּ. מִן העיר גִּבְעָה. וּמִלְחָמָה הָיְתָה בֵּין אֲבִיָּה וּבֵין יָרָבְעָם.

וַיֶּאְסֹר אֲבִיָּה אֶת־הַמִּלְחָמָה בְּחַיִל גִּבּוֹרֵי מִלְחָמָה אַרְבַּע־מֵאוֹת אֶלֶף אִישׁ בָּחוּר וְיָרָבְעָם עָרַךְ עִמּוֹ מִלְחָמָה בִּשְׁמוֹנֶה מֵאוֹת אֶלֶף אִישׁ בָּחוּר גִּבּוֹר חָיִל

וַיֶּאְסֹר אֲבִיָּה אֶת־הַמִּלְחָמָה, יצא לקרב בְּחַיִל גִּבּוֹרֵי מִלְחָמָה שמָּנה אַרְבַּע־מֵאוֹת אֶלֶף אִישׁ בָּחוּר, וְיָרָבְעָם עָרַךְ עִמּוֹ, הציב לעומתו מערכת מִלְחָמָה בִּשְׁמוֹנֶה מֵאוֹת אֶלֶף אִישׁ בָּחוּר גִּבּוֹר חָיִל.

וַיָּקָם אֲבִיָּה מֵעַל לְהַר צְמָרַיִם אֲשֶׁר בְּהַר אֶפְרָיִם וַיֹּאמֶר שְׁמָעֻנִי יָרָבְעָם וְכָל־יִשְׂרָאֵל

וַיָּקָם אֲבִיָּה להתקדם בתנועה ראשונה של התקפה מֵעַל לְהַר צְמָרַיִם אֲשֶׁר בְּהַר אֶפְרָיִם. וַיֹּאמֶר: שְׁמָעֻנִי, יָרָבְעָם וְכָל־יִשְׂרָאֵל.

הֲלֹא לָכֶם לָדַעַת כִּי ה' אֱלֹהֵי יִשְׂרָאֵל נָתַן מַמְלָכָה לְדָוִיד עַל־יִשְׂרָאֵל לְעוֹלָם לוֹ וּלְבָנָיו בְרִית מֶלַח

הֲלֹא לָכֶם לָדַעַת כִּי ה' אֱלֹהֵי יִשְׂרָאֵל נָתַן מַמְלָכָה לְדָוִיד עַל־יִשְׂרָאֵל לְעוֹלָם, לוֹ וּלְבָנָיו, ממלכה שניתנה לו בבְרִית מֶלַח, ברית נצחית.

וַיָּקָם יָרָבְעָם בֶּן־נְבָט עֶבֶד שְׁלֹמֹה בֶן־דָּוִיד וַיִּמְרֹד עַל־אֲדֹנָיו

וַיָּקָם יָרָבְעָם בֶּן־נְבָט, עֶבֶד שְׁלֹמֹה בֶן־דָּוִיד, וַיִּמְרֹד עַל־אֲדֹנָיו. , וַיִּמְרֹד עַל־אֲדֹנָיו.

וַיִּקָּבְצוּ עָלָיו אֲנָשִׁים רֵקִים בְּנֵי בְלִיַּעַל וַיִּתְאַמְּצוּ עַל־רְחַבְעָם בֶּן־שְׁלֹמֹה וּרְחַבְעָם הָיָה נַעַר וְרַךְ־לֵבָב וְלֹא הִתְחַזַּק לִפְנֵיהֶם

וַיִּקָּבְצוּ עָלָיו אֲנָשִׁים רֵקִים בְּנֵי בְלִיַּעַל וַיִּתְאַמְּצוּ, התקוממו עַל־רְחַבְעָם – אבי – בֶּן־שְׁלֹמֹה, וּרְחַבְעָם הָיָה אז נַעַר וְרַךְ־לֵבָב וְלֹא הִתְחַזַּק לִפְנֵיהֶם.

וְעַתָּה אַתֶּם אֹמְרִים לְהִתְחַזֵּק לִפְנֵי מַמְלֶכֶת ה' בְּיַד בְּנֵי דָוִיד וְאַתֶּם הָמוֹן רָב וְעִמָּכֶם עֶגְלֵי זָהָב אֲשֶׁר עָשָׂה לָכֶם יָרָבְעָם לֵאלֹהִים

וְעַתָּה אַתֶּם אֹמְרִים לְהִתְחַזֵּק לִפְנֵי מַמְלֶכֶת ה' בְּיַד בְּנֵי דָוִיד, וְאַתֶּם אמנם הָמוֹן רָב, וצבאכם גדול, וְאולם בשם מה אתם נלחמים – הרי עִמָּכֶם עֶגְלֵי זָהָב אֲשֶׁר עָשָׂה לָכֶם יָרָבְעָם לֵאלֹהִים.

הֲלֹא הִדַּחְתֶּם אֶת־כֹּהֲנֵי ה' אֶת־בְּנֵי אַהֲרֹן וְהַלְוִיִּם וַתַּעֲשׂוּ לָכֶם כֹּהֲנִים כְּעַמֵּי הָאֲרָצוֹת כָּל־הַבָּא לְמַלֵּא יָדוֹ בְּפַר בֶּן־בָּקָר וְאֵילִם שִׁבְעָה וְהָיָה כֹהֵן לְלֹא אֱלֹהִים

הֲלֹא הִדַּחְתֶּם אֶת־כֹּהֲנֵי ה', אֶת־בְּנֵי אַהֲרֹן וְהַלְוִיִּם, וַתַּעֲשׂוּ לָכֶם כֹּהֲנִים כְּעַמֵּי הָאֲרָצוֹת שמסביבכם, כְּעַמֵּי הָאֲרָצוֹת כָּל־הַבָּא לְמַלֵּא יָדוֹ, לקבל מינוי בְּפַר בֶּן־בָּקָר וְאֵילִם שִׁבְעָה – וְהָיָה כֹהֵן לְלֹא אֱלֹהִים, לאלילים. כהניכם הם אנשים הרוצים בתפקיד, ואינם כהנים אמתיים.

ואֲנַחְנוּ ה' אֱלֹהֵינוּ וְלֹא עֲזַבְנֻהוּ וְכֹהֲנִים מְשָׁרְתִים לַה' בְּנֵי אַהֲרֹן וְהַלְוִיִּם בּמְלאכֶת

ולעומת זאת, אֲנַחְנוּ – ה' הוא אֱלֹהֵינוּ, וְלֹא עֲזַבְנֻהוּ, וְהכֹהֲנִים המְשָׁרְתִים לַה' הם אצלנו בְּנֵי אַהֲרֹן וְהַלְוִיִּם עסוקים בּמְלאכֶת העבודה,

וּמַקְטִרִים לַה' עֹלוֹת בַּבֹּקֶר־בַּבֹּקֶר וּבָעֶרֶב־בָּעֶרֶב וּקְטֹרֶת־סַמִּים וּמַעֲרֶכֶת לֶחֶם עַל־הַשֻּׁלְחָן הַטָּהוֹר וּמְנוֹרַת הַזָּהָב וְנֵרֹתֶיהָ לְבָעֵר בָּעֶרֶב בָּעֶרֶב כִּי־שֹׁמְרִים אֲנַחְנוּ אֶת־מִשְׁמֶרֶת ה' אֱלֹהֵינוּ וְאַתֶּם עֲזַבְתֶּם אֹתוֹ

וּמַקְטִרִים לַה' עֹלוֹת בַּבֹּקֶר־בַּבֹּקֶר וּבָעֶרֶב־בָּעֶרֶב, בכל בוקר וערב, וּקְטֹרֶת־סַמִּים וּמַעֲרֶכֶת לֶחֶם עַל־הַשֻּׁלְחָן הַטָּהוֹר וּמְנוֹרַת הַזָּהָב וְנֵרֹתֶיהָ לְבָעֵר, מדליקים בָּעֶרֶב בָּעֶרֶב, ערב ערב, כִּי־שֹׁמְרִים אֲנַחְנוּ אֶת־מִשְׁמֶרֶת ה' אֱלֹהֵינוּ, וְאַתֶּם עֲזַבְתֶּם אֹתוֹ. אתם עזבתם את ה' והפכתם לנהוג כגויים, ואילו אנחנו שומרים את עבודתו.

וְהִנֵּה עִמָּנוּ בָרֹאשׁ הָאֱלֹהִים וְכֹהֲנָיו וַחֲצֹצְרוֹת הַתְּרוּעָה לְהָרִיעַ עֲלֵיכֶם בְּנֵי יִשְׂרָאֵל אַל־תִּלָּחֲמוּ עִם־ה' אֱלֹהֵי־אֲבֹתֵיכֶם כִּי־לֹא תַצְלִיחוּ

וְהִנֵּה עִמָּנוּ בָרֹאשׁ של המחנה הָאֱלֹהִים וְכֹהֲנָיו וַחֲצֹצְרוֹת הַתְּרוּעָה לְהָרִיעַ עֲלֵיכֶם, כנגדכם, בְּנֵי יִשְׂרָאֵל. אַל־תִּלָּחֲמוּ עִם־ה' אֱלֹהֵי־אֲבֹתֵיכֶם, כִּי־לֹא תַצְלִיחוּ.

וְיָרָבְעָם הֵסֵב אֶת־הַמַּאֲרָב לָבוֹא מֵאַחֲרֵיהֶם וַיִּהְיוּ לִפְנֵי יְהוּדָה וְהַמַּאֲרָב מֵאַחֲרֵיהֶם

וְיָרָבְעָם, שכנראה לא עמד להקשיב לדרשה הזאת, הֵסֵב בינתיים אֶת־הַמַּאֲרָב לָבוֹא מֵאַחֲרֵיהֶם. הוא שלח חלק מהצבא שלו לתנועת איגוף, וַיִּהְיוּ הוא ואנשיו לִפְנֵי יְהוּדָה, וְהַמַּאֲרָב – מֵאַחֲרֵיהֶם.

וַיִּפְנוּ יְהוּדָה וְהִנֵּה לָהֶם הַמִּלְחָמָה פָּנִים וְאָחוֹר וַיִּצְעֲקוּ לַה' וְהַכֹּהֲנִים מַחְצְרִים בַּחֲצֹצְרוֹת

וַיִּפְנוּ יְהוּדָה, וְהִנֵּה לָהֶם, כנגדם הַמִּלְחָמָה פָּנִים וְאָחוֹר. וַיִּצְעֲקוּ לַה', וְהַכֹּהֲנִים מַחְצְרִים, מריעים בַּחֲצֹצְרוֹת.

וַיָּרִעוּ אִישׁ יְהוּדָה וַיְהִי בְּהָרִיעַ אִישׁ יְהוּדָה וְהָאֱלֹהִים נָגַף אֶת־יָרָבְעָם וְכָל־יִשְׂרָאֵל לִפְנֵי אֲבִיָּה וִיהוּדָה

וַיָּרִעוּ אִישׁ יְהוּדָה. וַיְהִי בְּהָרִיעַ אִישׁ יְהוּדָה, וְהָאֱלֹהִים נָגַף אֶת־יָרָבְעָם וְכָל־יִשְׂרָאֵל לִפְנֵי אֲבִיָּה וִיהוּדָה.

וַיָּנוּסוּ בְנֵי־יִשְׂרָאֵל מִפְּנֵי יְהוּדָה וַיִּתְּנֵם אֱלֹהִים בְּיָדָם

וַיָּנוּסוּ בְנֵי־יִשְׂרָאֵל מִפְּנֵי יְהוּדָה, וַיִּתְּנֵם אֱלֹהִים בְּיָדָם.

וַיַּכּוּ בָהֶם אֲבִיָּה וְעַמּוֹ מַכָּה רַבָּה וַיִּפְּלוּ חֲלָלִים מִיִּשְׂרָאֵל חֲמֵשׁ־מֵאוֹת אֶלֶף אִישׁ בָּחוּר

וַיַּכּוּ בָהֶם אֲבִיָּה וְעַמּוֹ מַכָּה רַבָּה, וַיִּפְּלוּ חֲלָלִים מִיִּשְׂרָאֵל חֲמֵשׁ־מֵאוֹת אֶלֶף אִישׁ בָּחוּר. רוב הצבא הוכה בקרב.

וַיִּכָּנְעוּ בְנֵי־יִשְׂרָאֵל בָּעֵת הַהִיא וַיֶּאֶמְצוּ בְּנֵי יְהוּדָה כִּי נִשְׁעֲנוּ עַל־ה' אֱלֹהֵי אֲבוֹתֵיהֶם

וַיִּכָּנְעוּ בְנֵי־יִשְׂרָאֵל בָּעֵת הַהִיא, וַיֶּאֶמְצוּ, גברו בְּנֵי יְהוּדָה, כִּי נִשְׁעֲנוּ עַל־ה' אֱלֹהֵי אֲבוֹתֵיהֶם.

וַיִּרְדֹּף אֲבִיָּה אַחֲרֵי יָרָבְעָם וַיִּלְכֹּד מִמֶּנּוּ עָרִים אֶת־בֵּית־אֵל וְאֶת־בְּנוֹתֶיהָ וְאֶת יְשָׁנָה וְאֶת־בְּנוֹתֶיהָ וְאֶת־עֶפְרַיִן וּבְנֹתֶיהָ

וַיִּרְדֹּף אֲבִיָּה אַחֲרֵי יָרָבְעָם. הוא המשיך במסע ההתקפה שלו, וַיִּלְכֹּד מִמֶּנּוּ עָרִים, אֶת־בֵּית־אֵל וְאֶת־בְּנוֹתֶיהָ, היישובים הקטנים הסמוכים לה, וְאֶת העיר יְשָׁנָה וְאֶת־בְּנוֹתֶיהָ וְאֶת־עֶפְרַיִן וּבְנֹתֶיהָ.

וְלֹא־עָצַר כֹּחַ יָרָבְעָם עוֹד בִּימֵי אֲבִיָּהוּ וַיִּגְּפֵהוּ ה' וַיָּמֹת

וְלֹא־עָצַר כֹּחַ, החזיק מעמד יָרָבְעָם עוֹד בִּימֵי אֲבִיָּהוּ, וַיִּגְּפֵהוּ ה' וַיָּמֹת. ירבעם לא הצליח לעמוד בפני אביה עד שמת בימיו.

וַיִּתְחַזֵּק אֲבִיָּהוּ וַיִּשָּׂא־לוֹ נָשִׁים אַרְבַּע עֶשְׂרֵה וַיּוֹלֶד עֶשְׂרִים וּשְׁנַיִם בָּנִים וְשֵׁשׁ עֶשְׂרֵה בָּנוֹת

וַיִּתְחַזֵּק אֲבִיָּהוּ וַיִּשָּׂא־לוֹ נָשִׁים אַרְבַּע עֶשְׂרֵה, וַיּוֹלֶד עֶשְׂרִים וּשְׁנַיִם בָּנִים וְשֵׁשׁ עֶשְׂרֵה בָּנוֹת.

וְיֶתֶר דִּבְרֵי אֲבִיָּה וּדְרָכָיו וּדְבָרָיו כְּתוּבִים בְּמִדְרַשׁ הַנָּבִיא עִדּוֹ

וְיֶתֶר דִּבְרֵי אֲבִיָּה וּדְרָכָיו וּדְבָרָיו כְּתוּבִים בְּספר מִדְרַשׁ הַנָּבִיא עִדּוֹ.

וַיִּשְׁכַּב אֲבִיָּה עִם־אֲבֹתָיו וַיִּקְבְּרוּ אֹתוֹ בְּעִיר דָּוִיד וַיִּמְלֹךְ אָסָא בְנוֹ תַּחְתָּיו בְּיָמָיו שָׁקְטָה הָאָרֶץ עֶשֶׂר שָׁנִים

וַיִּשְׁכַּב אֲבִיָּה עִם־אֲבֹתָיו, וַיִּקְבְּרוּ אֹתוֹ בְּעִיר דָּוִיד. במקום אחר נאמר שהלך בדרכי אביו, ולבבו לא היה שלם עם ה', אם כי נראה שהוא שמר את עבודת ה' במקדש ואף נלחם את מלחמת ה'. וַיִּמְלֹךְ אָסָא בְנוֹ תַּחְתָּיו. בְּיָמָיו שָׁקְטָה הָאָרֶץ ממלחמה עֶשֶׂר שָׁנִים. אחרי שאנשי ישראל הוכו, הם לא ערכו התקפות נוספות, אך גם לאסא לא היה מספיק כוח לתקוף אותם.