רְאוּבֵ֖ן בְּכ֣וֹר יִשְׂרָאֵ֑ל בְּנֵ֣י רְאוּבֵ֗ן חֲנוֹךְ֙ מִשְׁפַּ֣חַת הַחֲנֹכִ֔י לְפַלּ֕וּא מִשְׁפַּ֖חַת הַפַּלֻּאִֽי׃

רְאוּבֵן בְּכוֹר יִשְׂרָאֵל. בְּנֵי רְאוּבֵן:חֲנוֹךְ, שצאצאיו הם מִשְׁפַּחַת הַחֲנֹכִי, לְפַלּוּאבן ראובן – מִשְׁפַּחַת הַפַּלֻּאִי,

לְחֶצְרֹ֕ן מִשְׁפַּ֖חַת הַֽחֶצְרוֹנִ֑י לְכַרְמִ֕י מִשְׁפַּ֖חַת הַכַּרְמִֽי׃

לְחֶצְרֹן– מִשְׁפַּחַת הַחֶצְרוֹנִי, לְכַרְמִי– מִשְׁפַּחַת הַכַּרְמִי.

אֵ֖לֶּה מִשְׁפְּחֹ֣ת הָרֻֽאוּבֵנִ֑י וַיִּהְי֣וּ פְקֻדֵיהֶ֗ם שְׁלֹשָׁ֤ה וְאַרְבָּעִים֙ אֶ֔לֶף וּשְׁבַ֥ע מֵא֖וֹת וּשְׁלֹשִֽׁים׃

אֵלֶּה מִשְׁפְּחֹת הָראוּבֵנִי. וַיִּהְיוּ פְקֻדֵיהֶם שְׁלשָׁה וְאַרְבָּעִים אֶלֶף וּשְׁבַע מֵאוֹת וּשְׁלשִׁים.

וּבְנֵ֥י פַלּ֖וּא אֱלִיאָֽב׃

וּבְנֵי פַלּוּא, ולמעשה בנו היחיד : אֱלִיאָב.

וּבְנֵ֣י אֱלִיאָ֔ב נְמוּאֵ֖ל וְדָתָ֣ן וַאֲבִירָ֑ם הֽוּא־דָתָ֨ן וַאֲבִירָ֜ם קרואי [קְרִיאֵ֣י] הָעֵדָ֗ה אֲשֶׁ֨ר הִצּ֜וּ עַל־מֹשֶׁ֤ה וְעַֽל־אַהֲרֹן֙ בַּעֲדַת־קֹ֔רַח בְּהַצֹּתָ֖ם עַל־יְהוָֽה׃

וּבְנֵי אֱלִיאָב: נְמוּאֵל וְדָתָן וַאֲבִירָם. הוּא דָתָן וַאֲבִירָם קְרִיאֵי, נכבדי הָעֵדָה אֲשֶׁר הִצּוּ, עוררו ריב עַל משֶׁה וְעַל אַהֲרֹן בַּעֲדַת קֹרַח, בְּהַצֹּתָם עַל ה'.אמנם לא נזכרים בעניין שמותיהם הפרטיים של בני המשפחות, אך משפחת הפלואי מתפרטת כאן בשל דתן ואבירם, נכדי פלוא, שנודעו כמנהיגים בעדת קרח.

וַתִּפְתַּ֨ח הָאָ֜רֶץ אֶת־פִּ֗יהָ וַתִּבְלַ֥ע אֹתָ֛ם וְאֶת־קֹ֖רַח בְּמ֣וֹת הָעֵדָ֑ה בַּאֲכֹ֣ל הָאֵ֗שׁ אֵ֣ת חֲמִשִּׁ֤ים וּמָאתַ֙יִם֙ אִ֔ישׁ וַיִּהְי֖וּ לְנֵֽס׃

וַתִּפְתַּח הָאָרֶץ אֶת פִּיהָ וַתִּבְלַע אֹתָם וְאֶת קֹרַח בְּמוֹת הָעֵדָה, בַּאֲכֹל הָאֵשׁ אֵת חֲמִשִּׁים וּמָאתַיִם אִישׁ, וַיִּהְיוּ לְנֵס.

וּבְנֵי־קֹ֖רַח לֹא־מֵֽתוּ׃ (ס)

וכאן הערה: וּבְנֵי קֹרַח לֹא מֵתוּ,למרות שכנראה היו מעורבים באופן מסוים במחלוקת.

בְּנֵ֣י שִׁמְעוֹן֮ לְמִשְׁפְּחֹתָם֒ לִנְמוּאֵ֗ל מִשְׁפַּ֙חַת֙ הַנְּמ֣וּאֵלִ֔י לְיָמִ֕ין מִשְׁפַּ֖חַת הַיָּמִינִ֑י לְיָכִ֕ין מִשְׁפַּ֖חַת הַיָּכִינִֽי׃

בְּנֵי שִׁמְעוֹן לְמִשְׁפְּחֹתָם: לִנְמוּאֵל– מִשְׁפַּחַת הַנְּמוּאֵלִי, לְיָמִין– מִשְׁפַּחַת הַיָּמִינִי, לְיָכִין– מִשְׁפַּחַת הַיָּכִינִי,

לְזֶ֕רַח מִשְׁפַּ֖חַת הַזַּרְחִ֑י לְשָׁא֕וּל מִשְׁפַּ֖חַת הַשָּׁאוּלִֽי׃

לְזֶרַח– מִשְׁפַּחַת הַזַּרְחִי, לְשָׁאוּל– מִשְׁפַּחַת הַשָּׁאוּלִי.

אֵ֖לֶּה מִשְׁפְּחֹ֣ת הַשִּׁמְעֹנִ֑י שְׁנַ֧יִם וְעֶשְׂרִ֛ים אֶ֖לֶף וּמָאתָֽיִם׃ (ס)

אֵלֶּה מִשְׁפְּחֹת הַשִּׁמְעֹנִי– שְׁנַיִם וְעֶשְׂרִים אֶלֶף וּמָאתָיִם.

בְּנֵ֣י גָד֮ לְמִשְׁפְּחֹתָם֒ לִצְפ֗וֹן מִשְׁפַּ֙חַת֙ הַצְּפוֹנִ֔י לְחַגִּ֕י מִשְׁפַּ֖חַת הַֽחַגִּ֑י לְשׁוּנִ֕י מִשְׁפַּ֖חַת הַשּׁוּנִֽי׃

בְּנֵי גָד לְמִשְׁפְּחֹתָם: לִצְפוֹן– מִשְׁפַּחַת הַצְּפוֹנִי, לְחַגִּי– מִשְׁפַּחַת הַחַגִּי, לְשׁוּנִי– מִשְׁפַּחַת הַשּׁוּנִי,

לְאָזְנִ֕י מִשְׁפַּ֖חַת הָאָזְנִ֑י לְעֵרִ֕י מִשְׁפַּ֖חַת הָעֵרִֽי׃

לְאָזְנִי– מִשְׁפַּחַת הָאָזְנִי,משפחה זו נקראה במקום אחר 'אצבון', לְעֵרִי– מִשְׁפַּחַת הָעֵרִי,

לַאֲר֕וֹד מִשְׁפַּ֖חַת הָאֲרוֹדִ֑י לְאַ֨רְאֵלִ֔י מִשְׁפַּ֖חַת הָאַרְאֵלִֽי׃

לַאֲרוֹד– מִשְׁפַּחַת הָאֲרוֹדִי, לְאַרְאֵלִי– מִשְׁפַּחַת הָאַרְאֵלִי.

אֵ֛לֶּה מִשְׁפְּחֹ֥ת בְּנֵֽי־גָ֖ד לִפְקֻדֵיהֶ֑ם אַרְבָּעִ֥ים אֶ֖לֶף וַחֲמֵ֥שׁ מֵאֽוֹת׃ (ס)

אֵלֶּה מִשְׁפְּחֹת בְּנֵי גָד לִפְקֻדֵיהֶם– אַרְבָּעִים אֶלֶף וַחֲמֵשׁ מֵאוֹת.

בְּנֵ֥י יְהוּדָ֖ה עֵ֣ר וְאוֹנָ֑ן וַיָּ֥מָת עֵ֛ר וְאוֹנָ֖ן בְּאֶ֥רֶץ כְּנָֽעַן׃

בְּנֵי יְהוּדָה: עֵר וְאוֹנָן. וַיָּמָת עֵר וְאוֹנָן בְּאֶרֶץ כְּנָעַן.למרות שהם מתו עריריים ולא הייתה להם משמעות מבחינת היוחסין, בכמה מקומות מונצחים ער ואונן ברשימות היחס של שבט יהודה.

וַיִּהְי֣וּ בְנֵי־יְהוּדָה֮ לְמִשְׁפְּחֹתָם֒ לְשֵׁלָ֗ה מִשְׁפַּ֙חַת֙ הַשֵּׁ֣לָנִ֔י לְפֶ֕רֶץ מִשְׁפַּ֖חַת הַפַּרְצִ֑י לְזֶ֕רַח מִשְׁפַּ֖חַת הַזַּרְחִֽי׃

וַיִּהְיוּ בְנֵי יְהוּדָה לְמִשְׁפְּחֹתָם: לְשֵׁלָה– מִשְׁפַּחַת הַשֵּׁלָנִי, לְפֶרֶץ– מִשְׁפַּחַת הַפַּרְצִי, לְזֶרַח– מִשְׁפַּחַת הַזַּרְחִי.

וַיִּהְי֣וּ בְנֵי־פֶ֔רֶץ לְחֶצְרֹ֕ן מִשְׁפַּ֖חַת הַֽחֶצְרֹנִ֑י לְחָמ֕וּל מִשְׁפַּ֖חַת הֶחָמוּלִֽי׃

וַיִּהְיוּ בְנֵי פֶרֶץשאף הם התפצלו : לְחֶצְרֹן– מִשְׁפַּחַת הַחֶצְרֹנִי, לְחָמוּל– מִשְׁפַּחַת הֶחָמוּלִי.

אֵ֛לֶּה מִשְׁפְּחֹ֥ת יְהוּדָ֖ה לִפְקֻדֵיהֶ֑ם שִׁשָּׁ֧ה וְשִׁבְעִ֛ים אֶ֖לֶף וַחֲמֵ֥שׁ מֵאֽוֹת׃ (ס)

אֵלֶּה מִשְׁפְּחֹת יְהוּדָה לִפְקֻדֵיהֶם– שִׁשָּׁה וְשִׁבְעִים אֶלֶף וַחֲמֵשׁ מֵאוֹת.

בְּנֵ֤י יִשָּׂשכָר֙ לְמִשְׁפְּחֹתָ֔ם תּוֹלָ֕ע מִשְׁפַּ֖חַת הַתּוֹלָעִ֑י לְפֻוָ֕ה מִשְׁפַּ֖חַת הַפּוּנִֽי׃

בְּנֵי יִשָּׂשׂכָר לְמִשְׁפְּחֹתָם: תּוֹלָע– מִשְׁפַּחַת הַתּוֹלָעִי, לְפֻוָּה– מִשְׁפַּחַת הַפּוּנִי,

לְיָשׁ֕וּב מִשְׁפַּ֖חַת הַיָּשׁוּבִ֑י לְשִׁמְרֹ֕ן מִשְׁפַּ֖חַת הַשִּׁמְרֹנִֽי׃

לְיָשׁוּב– מִשְׁפַּחַת הַיָּשֻׁבִי, לְשִׁמְרֹן– מִשְׁפַּחַת הַשִּׁמְרֹנִי.

אֵ֛לֶּה מִשְׁפְּחֹ֥ת יִשָּׂשכָ֖ר לִפְקֻדֵיהֶ֑ם אַרְבָּעָ֧ה וְשִׁשִּׁ֛ים אֶ֖לֶף וּשְׁלֹ֥שׁ מֵאֽוֹת׃ (ס)

אֵלֶּה מִשְׁפְּחֹת יִשָּׂשׂכָר לִפְקֻדֵיהֶם– אַרְבָּעָה וְשִׁשִּׁים אֶלֶף וּשְׁלשׁ מֵאוֹת.

בְּנֵ֣י זְבוּלֻן֮ לְמִשְׁפְּחֹתָם֒ לְסֶ֗רֶד מִשְׁפַּ֙חַת֙ הַסַּרְדִּ֔י לְאֵל֕וֹן מִשְׁפַּ֖חַת הָאֵלֹנִ֑י לְיַ֨חְלְאֵ֔ל מִשְׁפַּ֖חַת הַיַּחְלְאֵלִֽי׃

בְּנֵי זְבוּלֻן לְמִשְׁפְּחֹתָם: לְסֶרֶד– מִשְׁפַּחַת הַסַּרְדִּי, לְאֵלוֹן– מִשְׁפַּחַת הָאֵלֹנִי, לְיַחְלְאֵל– מִשְׁפַּחַת הַיַּחְלְאֵלִי.

אֵ֛לֶּה מִשְׁפְּחֹ֥ת הַזְּבוּלֹנִ֖י לִפְקֻדֵיהֶ֑ם שִׁשִּׁ֥ים אֶ֖לֶף וַחֲמֵ֥שׁ מֵאֽוֹת׃ (ס)

אֵלֶּה מִשְׁפְּחֹת הַזְּבוּלֹנִי לִפְקֻדֵיהֶם– שִׁשִּׁים אֶלֶף וַחֲמֵשׁ מֵאוֹת.

בְּנֵ֥י יוֹסֵ֖ף לְמִשְׁפְּחֹתָ֑ם מְנַשֶּׁ֖ה וְאֶפְרָֽיִם׃

בְּנֵי יוֹסֵף לְמִשְׁפְּחֹתָם– מְנַשֶּׁה וְאֶפְרָיִם.סדר הופעתם של בני יוסף שונה מהמופיע במפקד הראשון, אולי משום שבספירה הקודמת היו בני אפרים מרובים יותר, ובמשך השנים רבו בני מנשה על בני אפרים, ועתה, משגדל מספרם בהרבה מִשל מספרם של בני אפרים, נזכרו הם תחילה.

בְּנֵ֣י מְנַשֶּׁ֗ה לְמָכִיר֙ מִשְׁפַּ֣חַת הַמָּכִירִ֔י וּמָכִ֖יר הוֹלִ֣יד אֶת־גִּלְעָ֑ד לְגִלְעָ֕ד מִשְׁפַּ֖חַת הַגִּלְעָדִֽי׃

בְּנֵי מְנַשֶּׁה: לְמָכִיר– מִשְׁפַּחַת הַמָּכִירִי, וּמָכִיר הוֹלִיד אֶת גִּלְעָד. לְגִלְעָד– מִשְׁפַּחַת הַגִּלְעָדִי,שנעשתה משפחה מיוחדת וחשובה, וחבל ארץ שלם נקרא על שמה.

אֵ֚לֶּה בְּנֵ֣י גִלְעָ֔ד אִיעֶ֕זֶר מִשְׁפַּ֖חַת הָאִֽיעֶזְרִ֑י לְחֵ֕לֶק מִשְׁפַּ֖חַת הַֽחֶלְקִֽי׃

אֵלֶּה בְּנֵי גִלְעָד: אִיעֶזֶר– מִשְׁפַּחַת הָאִיעֶזְרִי, לְחֵלֶק– מִשְׁפַּחַת הַחֶלְקִי,

וְאַ֨שְׂרִיאֵ֔ל מִשְׁפַּ֖חַת הָֽאַשְׂרִֽאֵלִ֑י וְשֶׁ֕כֶם מִשְׁפַּ֖חַת הַשִּׁכְמִֽי׃

וְאַשְׂרִיאֵל– מִשְׁפַּחַת הָאַשְׂרִאֵלִי, וְשֶׁכֶם– מִשְׁפַּחַת הַשִּׁכְמִי,

וּשְׁמִידָ֕ע מִשְׁפַּ֖חַת הַשְּׁמִידָעִ֑י וְחֵ֕פֶר מִשְׁפַּ֖חַת הַֽחֶפְרִֽי׃

וּשְׁמִידָע– מִשְׁפַּחַת הַשְּׁמִידָעִי, וְחֵפֶר– מִשְׁפַּחַת הַחֶפְרִי.שוב מוזכרים שמות פרטיים, כיוון שהם מתקשרים להתרחשות מסוימת, שיסופר בה בעניין הבא.

וּצְלָפְחָ֣ד בֶּן־חֵ֗פֶר לֹא־הָ֥יוּ ל֛וֹ בָּנִ֖ים כִּ֣י אִם־בָּנ֑וֹת וְשֵׁם֙ בְּנ֣וֹת צְלָפְחָ֔ד מַחְלָ֣ה וְנֹעָ֔ה חָגְלָ֥ה מִלְכָּ֖ה וְתִרְצָֽה׃

וּצְלָפְחָד בֶּן חֵפֶר לֹא הָיוּ לוֹ בָּנִים כִּי אִם בָּנוֹת, וְשֵׁם בְּנוֹת צְלָפְחָד: מַחְלָה וְנֹעָה, חָגְלָה, מִלְכָּה וְתִרְצָה.

אֵ֖לֶּה מִשְׁפְּחֹ֣ת מְנַשֶּׁ֑ה וּפְקֻ֣דֵיהֶ֔ם שְׁנַ֧יִם וַחֲמִשִּׁ֛ים אֶ֖לֶף וּשְׁבַ֥ע מֵאֽוֹת׃ (ס)

אֵלֶּה מִשְׁפְּחֹת מְנַשֶּׁה, וּפְקֻדֵיהֶם– שְׁנַיִם וַחֲמִשִּׁים אֶלֶף וּשְׁבַע מֵאוֹת.

אֵ֣לֶּה בְנֵי־אֶפְרַיִם֮ לְמִשְׁפְּחֹתָם֒ לְשׁוּתֶ֗לַח מִשְׁפַּ֙חַת֙ הַשֻּׁ֣תַלְחִ֔י לְבֶ֕כֶר מִשְׁפַּ֖חַת הַבַּכְרִ֑י לְתַ֕חַן מִשְׁפַּ֖חַת הַֽתַּחֲנִֽי׃

אֵלֶּה בְנֵי אֶפְרַיִם לְמִשְׁפְּחֹתָם: לְשׁוּתֶלַח– מִשְׁפַּחַת הַשֻּׁתַלְחִי, לְבֶכֶר– מִשְׁפַּחַת הַבַּכְרִי, לְתַחַן– מִשְׁפַּחַת הַתַּחֲנִי.

וְאֵ֖לֶּה בְּנֵ֣י שׁוּתָ֑לַח לְעֵרָ֕ן מִשְׁפַּ֖חַת הָעֵרָנִֽי׃

וְאֵלֶּה בְּנֵי שׁוּתָלַח: לְעֵרָן– מִשְׁפַּחַת הָעֵרָנִי.

אֵ֣לֶּה מִשְׁפְּחֹ֤ת בְּנֵי־אֶפְרַ֙יִם֙ לִפְקֻ֣דֵיהֶ֔ם שְׁנַ֧יִם וּשְׁלֹשִׁ֛ים אֶ֖לֶף וַחֲמֵ֣שׁ מֵא֑וֹת אֵ֥לֶּה בְנֵי־יוֹסֵ֖ף לְמִשְׁפְּחֹתָֽם׃ (ס)

אֵלֶּה מִשְׁפְּחֹת בְּנֵי אֶפְרַיִם לִפְקֻדֵיהֶם– שְׁנַיִם וּשְׁלשִׁים אֶלֶף וַחֲמֵשׁ מֵאוֹת. אֵלֶּה בְנֵי יוֹסֵף לְמִשְׁפְּחֹתָם.

בְּנֵ֣י בִנְיָמִן֮ לְמִשְׁפְּחֹתָם֒ לְבֶ֗לַע מִשְׁפַּ֙חַת֙ הַבַּלְעִ֔י לְאַשְׁבֵּ֕ל מִשְׁפַּ֖חַת הָֽאַשְׁבֵּלִ֑י לַאֲחִירָ֕ם מִשְׁפַּ֖חַת הָאֲחִירָמִֽי׃

בְּנֵי בִנְיָמִן לְמִשְׁפְּחֹתָם: לְבֶלַע– מִשְׁפַּחַת הַבַּלְעִי, לְאַשְׁבֵּל– מִשְׁפַּחַת הָאַשְׁבֵּלִי, לַאֲחִירָם– מִשְׁפַּחַת הָאֲחִירָמִי,

לִשְׁפוּפָ֕ם מִשְׁפַּ֖חַת הַשּׁוּפָמִ֑י לְחוּפָ֕ם מִשְׁפַּ֖חַת הַחוּפָמִֽי׃

לִשְׁפוּפָם– מִשְׁפַּחַת הַשּׁוּפָמִי, לְחוּפָם– מִשְׁפַּחַת הַחוּפָמִי.קיימים שינויים בחלק מן השמות: חוּפָם הופיע בירידה למצרים בתור 'חופים', ושְׁפוּפָם הופיע בתור 'מופים'.

וַיִּהְי֥וּ בְנֵי־בֶ֖לַע אַ֣רְדְּ וְנַעֲמָ֑ן מִשְׁפַּ֙חַת֙ הָֽאַרְדִּ֔י לְנַֽעֲמָ֔ן מִשְׁפַּ֖חַת הַֽנַּעֲמִֽי׃

וַיִּהְיוּ בְנֵי בֶלַע– אַרְדְּ וְנַעֲמָן, מִשְׁפַּחַת הָאַרְדִּי, לְנַעֲמָן– מִשְׁפַּחַת הַנַּעֲמִי.

אֵ֥לֶּה בְנֵי־בִנְיָמִ֖ן לְמִשְׁפְּחֹתָ֑ם וּפְקֻ֣דֵיהֶ֔ם חֲמִשָּׁ֧ה וְאַרְבָּעִ֛ים אֶ֖לֶף וְשֵׁ֥שׁ מֵאֽוֹת׃ (ס)

אֵלֶּה בְנֵי בִנְיָמִן לְמִשְׁפְּחֹתָם, וּפְקֻדֵיהֶם– חֲמִשָּׁה וְאַרְבָּעִים אֶלֶף וְשֵׁשׁ מֵאוֹת.

אֵ֤לֶּה בְנֵי־דָן֙ לְמִשְׁפְּחֹתָ֔ם לְשׁוּחָ֕ם מִשְׁפַּ֖חַת הַשּׁוּחָמִ֑י אֵ֛לֶּה מִשְׁפְּחֹ֥ת דָּ֖ן לְמִשְׁפְּחֹתָֽם׃

אֵלֶּה בְנֵי דָן לְמִשְׁפְּחֹתָם: לְשׁוּחָם– מִשְׁפַּחַת הַשּׁוּחָמִי. אֵלֶּה מִשְׁפְּחֹת דָּן לְמִשְׁפְּחֹתָם.לדן היה כנראה רק בן אחד – שׁוּחָם, שנקרא בספר בראשית 'חושים', ובכל זאת בניו לא נקראו רק על שם דן אבי השבט אלא גם על שמו של שוחם בנו.

כָּל־מִשְׁפְּחֹ֥ת הַשּׁוּחָמִ֖י לִפְקֻדֵיהֶ֑ם אַרְבָּעָ֧ה וְשִׁשִּׁ֛ים אֶ֖לֶף וְאַרְבַּ֥ע מֵאֽוֹת׃ (ס)

כָּל מִשְׁפְּחֹת הַשּׁוּחָמִי לִפְקֻדֵיהֶם– אַרְבָּעָה וְשִׁשִּׁים אֶלֶף וְאַרְבַּע מֵאוֹת.

בְּנֵ֣י אָשֵׁר֮ לְמִשְׁפְּחֹתָם֒ לְיִמְנָ֗ה מִשְׁפַּ֙חַת֙ הַיִּמְנָ֔ה לְיִשְׁוִ֕י מִשְׁפַּ֖חַת הַיִּשְׁוִ֑י לִבְרִיעָ֕ה מִשְׁפַּ֖חַת הַבְּרִיעִֽי׃

בְּנֵי אָשֵׁר לְמִשְׁפְּחֹתָם: לְיִמְנָה– מִשְׁפַּחַת הַיִּמְנָה, לְיִשְׁוִי– מִשְׁפַּחַת הַיִּשְׁוִי, לִבְרִיעָה– מִשְׁפַּחַת הַבְּרִיעִי.

לִבְנֵ֣י בְרִיעָ֔ה לְחֶ֕בֶר מִשְׁפַּ֖חַת הַֽחֶבְרִ֑י לְמַ֨לְכִּיאֵ֔ל מִשְׁפַּ֖חַת הַמַּלְכִּיאֵלִֽי׃

לִבְנֵי בְרִיעָה: לְחֵבֶר– מִשְׁפַּחַת הַחֶבְרִי, לְמַלְכִּיאֵל– מִשְׁפַּחַת הַמַּלְכִּיאֵלִי.

וְשֵׁ֥ם בַּת־אָשֵׁ֖ר שָֽׂרַח׃

וְשֵׁם בַּת אָשֵׁר: שָׂרַח.

אֵ֛לֶּה מִשְׁפְּחֹ֥ת בְּנֵי־אָשֵׁ֖ר לִפְקֻדֵיהֶ֑ם שְׁלֹשָׁ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֽוֹת׃ (ס)

אֵלֶּה מִשְׁפְּחֹת בְּנֵי אָשֵׁר לִפְקֻדֵיהֶם– שְׁלשָׁה וַחֲמִשִּׁים אֶלֶף וְאַרְבַּע מֵאוֹת.

בְּנֵ֤י נַפְתָּלִי֙ לְמִשְׁפְּחֹתָ֔ם לְיַ֨חְצְאֵ֔ל מִשְׁפַּ֖חַת הַיַּחְצְאֵלִ֑י לְגוּנִ֕י מִשְׁפַּ֖חַת הַגּוּנִֽי׃

בְּנֵי נַפְתָּלִי לְמִשְׁפְּחֹתָם: לְיַחְצְאֵל– מִשְׁפַּחַת הַיַּחְצְאֵלִי, לְגוּנִי– מִשְׁפַּחַת הַגּוּנִי,

לְיֵ֕צֶר מִשְׁפַּ֖חַת הַיִּצְרִ֑י לְשִׁלֵּ֕ם מִשְׁפַּ֖חַת הַשִּׁלֵּמִֽי׃

לְיֵצֶר– מִשְׁפַּחַת הַיִּצְרִי, לְשִׁלֵּם– מִשְׁפַּחַת הַשִּׁלֵּמִי.

אֵ֛לֶּה מִשְׁפְּחֹ֥ת נַפְתָּלִ֖י לְמִשְׁפְּחֹתָ֑ם וּפְקֻ֣דֵיהֶ֔ם חֲמִשָּׁ֧ה וְאַרְבָּעִ֛ים אֶ֖לֶף וְאַרְבַּ֥ע מֵאֽוֹת׃

אֵלֶּה מִשְׁפְּחֹת נַפְתָּלִי לְמִשְׁפְּחֹתָם, וּפְקֻדֵיהֶם– חֲמִשָּׁה וְאַרְבָּעִים אֶלֶף וְאַרְבַּע מֵאוֹת.

אֵ֗לֶּה פְּקוּדֵי֙ בְּנֵ֣י יִשְׂרָאֵ֔ל שֵׁשׁ־מֵא֥וֹת אֶ֖לֶף וָאָ֑לֶף שְׁבַ֥ע מֵא֖וֹת וּשְׁלֹשִֽׁים׃ (פ)

אֵלֶּה פְּקוּדֵי בְּנֵי יִשְׂרָאֵלבסך הכול – שֵׁשׁ מֵאוֹת אֶלֶף וָאָלֶף שְׁבַע מֵאוֹת וּשְׁלשִׁים.