וַיְדַבֵּ֨ר יְהוָ֧ה אֶל־מֹשֶׁ֛ה בְּמִדְבַּ֥ר סִינַ֖י בְּאֹ֣הֶל מוֹעֵ֑ד בְּאֶחָד֩ לַחֹ֨דֶשׁ הַשֵּׁנִ֜י בַּשָּׁנָ֣ה הַשֵּׁנִ֗ית לְצֵאתָ֛ם מֵאֶ֥רֶץ מִצְרַ֖יִם לֵאמֹֽר׃

וַיְדַבֵּר ה' אֶל מֹשֶׁה בְּמִדְבַּר סִינַי בְּאֹהֶל מוֹעֵד בְּאֶחָד לַחֹדֶשׁ הַשֵּׁנִי בַּשָּׁנָה הַשֵּׁנִית לְצֵאתָם מֵאֶרֶץ מִצְרַיִם, לֵאמֹר:

שְׂא֗וּ אֶת־רֹאשׁ֙ כָּל־עֲדַ֣ת בְּנֵֽי־יִשְׂרָאֵ֔ל לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמ֔וֹת כָּל־זָכָ֖ר לְגֻלְגְּלֹתָֽם׃

שְׂאוּ אֶת רֹאשׁ, סִפְרו את כָּל עֲדַת בְּנֵי יִשְׂרָאֵל לְמִשְׁפְּחֹתָם לְבֵית אֲבֹתָם, בְּמִסְפַּר שֵׁמוֹת.אין זו ספירה טכנית גרידא; היא תכלול הן את שמות הנספרים הן את קבוצות ההשתייכות שלהם. כיוון שזהו מפקד צבאי, לא יימנו בו כל בני העם אלא – כָּל זָכָר לְגֻלְגְּלֹתָם,הספירה תהיה לנוכח הראשים הנספרים,

מִבֶּ֨ן עֶשְׂרִ֤ים שָׁנָה֙ וָמַ֔עְלָה כָּל־יֹצֵ֥א צָבָ֖א בְּיִשְׂרָאֵ֑ל תִּפְקְד֥וּ אֹתָ֛ם לְצִבְאֹתָ֖ם אַתָּ֥ה וְאַהֲרֹֽן׃

מִבֶּן עֶשְׂרִים שָׁנָה וָמַעְלָה– כָּל יֹצֵא צָבָא בְּיִשְׂרָאֵל, תִּפְקְדוּ אֹתָם לְצִבְאֹתָם, אַתָּה וְאַהֲרֹן.

וְאִתְּכֶ֣ם יִהְי֔וּ אִ֥ישׁ אִ֖ישׁ לַמַּטֶּ֑ה אִ֛ישׁ רֹ֥אשׁ לְבֵית־אֲבֹתָ֖יו הֽוּא׃

וְאִתְּכֶם יִהְיוּ אִישׁ אִישׁ לַמַּטֶּה,לשבט. על כל שבט משבטי ישראל יופקד אדם אחד, וה אִישׁהזה – רֹאשׁ לְבֵית אֲבֹתָיו, מנהיג השבט הוּא.

וְאֵ֙לֶּה֙ שְׁמ֣וֹת הָֽאֲנָשִׁ֔ים אֲשֶׁ֥ר יַֽעַמְד֖וּ אִתְּכֶ֑ם לִרְאוּבֵ֕ן אֱלִיצ֖וּר בֶּן־שְׁדֵיאֽוּר׃

וְאֵלֶּה שְׁמוֹת הָאֲנָשִׁים אֲשֶׁר יַעַמְדוּ אִתְּכֶםכמנהיגי ספירת בני השבט. ההמשך מלמד שהם אכן שימשו כראשי שבטיהם גם לעניינים נוספים. לשבט רְאוּבֵןהאיש יהיה אֱלִיצוּר בֶּן שְׁדֵיאוּר.

לְשִׁמְע֕וֹן שְׁלֻמִיאֵ֖ל בֶּן־צוּרִֽישַׁדָּֽי׃

לְשִׁמְעוֹן– שְׁלֻמִיאֵל בֶּן צוּרִישַׁדָּי.

לִֽיהוּדָ֕ה נַחְשׁ֖וֹן בֶּן־עַמִּינָדָֽב׃

לִיהוּדָה– נַחְשׁוֹן בֶּן עַמִּינָדָב.

לְיִ֨שָּׂשכָ֔ר נְתַנְאֵ֖ל בֶּן־צוּעָֽר׃

לְיִשָּׂשכָר– נְתַנְאֵל בֶּן צוּעָר.

לִזְבוּלֻ֕ן אֱלִיאָ֖ב בֶּן־חֵלֹֽן׃

לִזְבוּלֻן– אֱלִיאָב בֶּן חֵלֹן.אלה היו ששת בני לאה לפי סדר לידתם;

לִבְנֵ֣י יוֹסֵ֔ף לְאֶפְרַ֕יִם אֱלִישָׁמָ֖ע בֶּן־עַמִּיה֑וּד לִמְנַשֶּׁ֕ה גַּמְלִיאֵ֖ל בֶּן־פְּדָהצֽוּר׃

ועתה לבני רחל – לִבְנֵי יוֹסֵף: לְאֶפְרַיִם– אֱלִישָׁמָע בֶּן עַמִּיהוּד. לִמְנַשֶּׁה– גַּמְלִיאֵל בֶּן פְּדָהצוּר.

לְבִ֨נְיָמִ֔ן אֲבִידָ֖ן בֶּן־גִּדְעֹנִֽי׃

לְבִנְיָמִן– אֲבִידָן בֶּן גִּדְעֹנִי.

לְדָ֕ן אֲחִיעֶ֖זֶר בֶּן־עַמִּֽישַׁדָּֽי׃

השבטים בני השפחות – לְדָן, בכור השפחות – אֲחִיעֶזֶר בֶּן עַמִּישַׁדָּי.

לְאָשֵׁ֕ר פַּגְעִיאֵ֖ל בֶּן־עָכְרָֽן׃

לְאָשֵׁר– פַּגְעִיאֵל בֶּן עָכְרָן.

לְגָ֕ד אֶלְיָסָ֖ף בֶּן־דְּעוּאֵֽל׃

לְגָד– אֶלְיָסָף בֶּן דְּעוּאֵל.

לְנַ֨פְתָּלִ֔י אֲחִירַ֖ע בֶּן־עֵינָֽן׃

לְנַפְתָּלִי– אֲחִירַע בֶּן עֵינָן.

אֵ֚לֶּה קריאי [קְרוּאֵ֣י] הָעֵדָ֔ה נְשִׂיאֵ֖י מַטּ֣וֹת אֲבוֹתָ֑ם רָאשֵׁ֛י אַלְפֵ֥י יִשְׂרָאֵ֖ל הֵֽם׃

אֵלֶּה קְרוּאֵי הָעֵדָה, נכבדי הקהל , נְשִׂיאֵי מַטּוֹת אֲבוֹתָם, רָאשֵׁי אַלְפֵי יִשְׂרָאֵל הֵם.

וַיִּקַּ֥ח מֹשֶׁ֖ה וְאַהֲרֹ֑ן אֵ֚ת הָאֲנָשִׁ֣ים הָאֵ֔לֶּה אֲשֶׁ֥ר נִקְּב֖וּ בְּשֵׁמֽוֹת׃

וַיִּקַּח מֹשֶׁה וְאַהֲרֹן אֵת הָאֲנָשִׁים הָאֵלֶּה, שנמנו לעיל אֲשֶׁרגם נִקְּבוּ, נקראו בְּשֵׁמוֹתעל ידי ה', כלומר אלו שיועדו על ידיו לתפקידם הבכיר.

וְאֵ֨ת כָּל־הָעֵדָ֜ה הִקְהִ֗ילוּ בְּאֶחָד֙ לַחֹ֣דֶשׁ הַשֵּׁנִ֔י וַיִּתְיַֽלְד֥וּ עַל־מִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמ֗וֹת מִבֶּ֨ן עֶשְׂרִ֥ים שָׁנָ֛ה וָמַ֖עְלָה לְגֻלְגְּלֹתָֽם׃

וְאֵת כָּל הָעֵדָה הִקְהִילוּ בְּאֶחָד לַחֹדֶשׁ הַשֵּׁנִי, וַיִּתְיַלְדוּ עַל מִשְׁפְּחֹתָם לְבֵית אֲבֹתָם,הוכיחו את ייחוסם להוריהם. השבט לא היה יחידה פורמלית בלבד, אלא הורכב מקבוצות ותת-קבוצות: משפחות ובתי אב. הרשימה כוללת את בני ישראל בלבד ולא את הזרים שיצאו אתם ממצרים. אלה שכנו, כנראה, בחלק אחר של המחנה. בְּמִסְפַּר שֵׁמוֹת, מִבֶּן עֶשְׂרִים שָׁנָה וָמַעְלָה לְגֻלְגְּלֹתָם,

כַּאֲשֶׁ֛ר צִוָּ֥ה יְהוָ֖ה אֶת־מֹשֶׁ֑ה וַֽיִּפְקְדֵ֖ם בְּמִדְבַּ֥ר סִינָֽי׃ (פ)

כַּאֲשֶׁר צִוָּה ה' אֶת מֹשֶׁה– וַיִּפְקְדֵם בְּמִדְבַּר סִינָי.